الرئيسية
أحدث الصور
تسجيل
----------من أشوفك يلبد بروحي خيالك....
او تغفه بعيوني حلم..
او تغفه بعيوني حلم..
ردت اصيحك ... رد عليه الصوت خايف
وردت ابوسك ... طاحت ابايدي الشفايف
كلشي بيه يخاف من روحي عليك
ياعسل والضاكك ايظل مشتهيك
يا طفل تضحك وتبجي من اقترب منك واجيك
امس شعرك ليل يلعب فوك شمسين الكمر
وامس شفت الروح كطره ونشفت بجفين اديك
يادمع اطهر نده... يا امل صوت وصدى
وي الفجر شفت البلابل... غازلت الاشجار بيك
يابراءة .. ورقه.. وطيوف... اوئام
اقره بعيونك سوالف ضامات شكد غرام
انته لو مديت جفك صافحك طير السلام
وفزت عيوني بحلمها بجت تسالني عليك
شافتك بالحلم عاشك والكلب طايح باديك
رسمت الد معه العه جفونك ...
غسلت الضلمه العله خدود الشمس
وشافتك بالغيم مطره ... وكطره
وسحر وورود ..اوعرس
ودوريت البحر بعيونك لكيته
ودوريت الكمره بجفوفك شفتها
والحواجب جرف ممتد عالنهر
ومثل موج البحر شفت الريح .. يلعب بالشعر
تمنيت الحلم يطول حتى اشوفنك كمر....
وسولفتلك بالحلم حد ما بجيت
لا همت بيه ولا بيه ارتضيت
ورجع كلبي اشراع بالريح انكسر
ورجع كلبي اشراع بالريح انكسر
