نوري المالكي.. الدكتاتور العراقي الجديد..

السلام عليكم


نوري المالكي الدكتاتور العراقي نسخة 2008
هذي الكلمات الي انطقها المتظاهرون في بغداد والتي انطلقت منذ صباح اليوم


مدعين ان نوري المالكي هو دكتاتور العراق الجديد والحديث
وهذي السالفة اجتي من ورا حرب البصرة


الي وصلت القتلى اكثر من 100 مو 50 واعتقد فوك ال500 جريح
مع تشريد الاف من العائلات بدون ماء وغذاء ومتابعة صحية


اي واحد يطلع بالشارع ينضرب بقناص
اي واحد يطلع بالشباك ياكل طلقة تايهة
وين الحياة ....
وين الأمان الي جان يكولون عليه قبل اسبوع
نوري المالكي عاف الدنيا كلهة عالمود يحصر 500 الف عائلة بدون غذاء وماء


عضونة العزيز ثائر الكناري توفا احدى اقرباءة بالبصرة من ورا الأشتباكات


خلي يصحى الضمير العراقي ونحرك ايديناتنا...
اني مو ويا اي جهة ولا اي حزب اني عراقي اريد اطلع المحتل اريد اسقط الفساد
الي يمشي بالحكومة هل ايام.....


اخوان دا تشوفون الهاونات الي جاي توكع على المنطقة الخضراء
وعلى السفارة الأمريكية وعلى مجلس رئاسة الوزراء
هذا دليل على انو مناطق الشعب القريبة والي كالو دا تنطلق
منها الهاونات بدو يتحركون على الحكومة


وكالولي مصادر موثوقة جيش المهدي دا يحاولون يوصلوون للمطار
تدرون اذا احتلوا المطار شيصير!


3000 بريئ يطلع من PUKA
السجن الأمريكي بمطار بغداد


تقريبا اخر مقر للحكومة والقوات الأمريكية هو المطار


كالو معارك هسة بشارع المطار القريب من عباس ابن فرناس
معارك ماكو هيجي..


وكالو مناطق الحي العامل دا تشارك مو ويا جيش المهدي
وانما وي مجموعة تقف بوجه الحكومة...


العراقيين بدو يتحركون عل حكومة وتسقيط الفساد الأداري
ووقف الدم الي يجري كل يوم
وتم تحصين 20 منطقة ببغداد بعبوات ومناطق اسلحة وصحوة اتشكلوا كالو
ضد الحكومة اخاف يصير هجوم عليهم.......


سؤالي ليش هيجي صار عل حكومة.!!!!
هل لأنهم ما سوو شي وشغلة الأمن كله جذب مجرد سكوت صار.. والعراقيين بدو يحسوون على ارواحهم..


ام لأن المالكي هجم عل بصرة ذنبا وماكو اي شي...


تحياتي واتمنى الكل يجاوب من اكبر واحد لأصغر واحد ويحجينة شصار بمناطق داير مدايرهم.

انتظر مروركم الحلو

بس
الدكتاتور قيليه بحقه والله وظلمت الدكتاتوريه بل مالكي سفاح كول مصلحة الدول مجاوره عنده اهم من العراق (ايران ) طبعا ؟؟؟؟؟؟ شدكول ابو نجم